مونولوج اسماعيل يس : عشرين مليون وزيادة , من فيلم “اللص الشريف” والذي تم انتاجه عام 1953 م ، القى الفنان إسماعيل ياسين بمونولوج ” عشرين مليون وزيادة”
كلمات المونولوج
عشرين مليون وزيادة كانوا عايشين هنا أموات
علشان حضرات السادة البهوات والباشوات
عشرين مليون وزيادة
– كان الفلاح إجرى يا مشكاح لأجل اللى قاعد مرتاح
وأبو كرش كبير عامل بنكير فى أوروبا. فشر سواح
على «إكس ليبان» وعلى الكونكان وعلى النسوانفى دوفيل وفى كان
إصرف كع ما فى الجيب يأتيك يا ابنى ما فى الغيب
وما بعد سعادته سعادة أصله وجيه وابن ذوات
ووراه حضرات السادة البهوات والباشوات
عشرين مليون وزيادة
– الغنى من دول كان قد القول كذا ألف وكذا فدان
كان هو السْيد والباقى عبيد وكلامه مالوش قولان
سجن وترابيس , أحرار محابيس والعجل أبيس نازل تهليس
يسرق ويقولوا آمين يكفر ويقولوا آمين
ويقولوا ده شيخ سجادة وولي. وصاحب كرامات
خدعوه حضرات السادة البهوات والباشوات
عشرين مليون وزيادة
– كان عهد فساد إسود وسواد على شعب أصيل وكريم
والمولى أراد كان بالمرصاد وسمع شكوى المظاليم
كان فرجه قريب وسميع ومجيب
والجيش ونجيب عملوا الترتيب
وبفضل المولى عليه سعدنا تم على إيديه
والشعب بقت له إرادة هزت كل الشنبات
وبقينا كلنا سادة ولا بهوات ولا باشوات
عشرين مليون وزيادة
Comments
Post a Comment