سعيد الطفل الانسان المكافح

منقول من الفيس بوك :
‫#‏سعيد_الطفل_الانسان‬

قاعد كالعادة علي كافي حديث المدينة.. ولقيت حتة عيل سكرة داخل بيفرجني علي علبة فيها دهب صيني بس كلها حريمي.....
الواد بسم الله ما شاء الله زي القمر وحسيت اني اعرفه من زمان فدردشت معاه شوية...
طلع طالب في اولي اعدادي ومدخر من مصروفه وجايب الدهب الصيني ده وبيبيعه للكوافيرات الحريمي بس وهو مروح قال يتسلي ويبيع له خاتمين تلاته.. طبعا بعد ما سمعت كلامه اتبسط بشكل رهيب وخصوصا انه متفوق دراسيا .. ربنا يحميه....
فبشكل عفوي عرضت عليه انه يبطل الموضوع ده وانا اوفرله شغل من الساعة ٤ لحد الساعة ٨ علشان يعرف يذاكر

وكان رده صدمة بالنسبة ليه وكان رده كالاتي( معلش يا عمو هو انا ممكن اطلب منك طلب ..
قولتله اتفضل يا سعيد..
قالي هو مش ممكن حضرتك توفر الشغل ده لست كبيرة اكبر مني..
طبعا شكيت انه هايطلب شغل لوالدته او اخته..
فقولت له طبعا اقدر بس لمين يا حبيبي..
قالي ايه ....
اصل في واحدة ست كبيرة يا عمو بتقعد في الشارع ما عندهاش شغل وما عندهاش فلوس ومش لاقية مكان تعيش فيه ... ياريت تشغلها هي 
انا اقدر اشتغل في اي حاجة انما هي بتصعب عليا..

طبعا حسيت اني بتكلم مع انسان بجد واقسم بالله اتمنيت انه يكون ابني وطلبت منه اني اصوره وصورته ووعدته اني هاخليه اشهر حد في مصر ...
بالله عليكوا اي حد يقرا القصة ويحب سعيد يعمل شير علشان يساعدني اني انفذ وعدي ليه